എന്റെ കണ്ണില്‍ നിനക്കായൊരുക്കിയ സ്വപ്‌നങ്ങള്‍
കാണേണ്ട നീ കണ്ടു നില്‍ക്കേണ്ട നീ
ആരാണ് നീ എനിക്കെന്നാരോടും
ചൊല്ലേണ്ട നീ കഥ പറയേണ്ട നീ
തമ്മില്‍ തമ്മില്‍ മൂളും പാട്ടുകേള്‍ക്കേണ്ട നീ
കൂടെ പാടേണ്ട നീ കൂടെ ആടേണ്ട നീ
ചുമ്മാ ചുമ്മാ നിന്‍ പിറകെ നടക്കാന്‍
അനുവാദം മൂളേണ്ട നീ
തിരികെ നോക്കേണ്ട നീ
കണ്ണില്‍ കണ്ണില്‍ നോക്കാതെന്നെ കാണുന്നുവോ
എന്തെങ്കിലും മിണ്ടാമോ നീ
കണ്ണില്‍ ഈറന്‍ ഇത് കണ്ണീരോ
എന്‍ മോഹം അത് നീയോ
ഈ പാട്ടിന്‍ ആത്മാവില്‍
നീറും വേദന അറിയേണ്ട നീ
ഒന്നും അറിയേണ്ട നീ
എങ്കിലും ഞാന്‍ പാടും
ഈ പാട്ടെന്റെ സ്വന്തം
എന്നും സ്വന്തം ….സ്വന്തം…
മനസ്സിന്‍ സല്ലാപങ്ങള്‍ പറയാതറിഞ്ഞു നീ
എന്നോടൊന്നും മൊഴിഞ്ഞീല നീ
പിന്നെയും നിന്നെ കാണുമ്പോള്‍
എന്‍ നെഞ്ചില്‍ സുഭദ്ര നീ
ഈ ബന്ധത്തിന്‍ ബലമായി
നീ അറിയാതെ അറിഞ്ഞു നീ
എന്‍ നെഞ്ചില്‍ അറിയാതെ ചേരുന്നു നീ…ചേര്‍ന്നു നീ….
